BAHASA JAMBI

Logo Propinsi Jambi

Assalamualaikum, kanti-kanti....

Malam ko sayo nak cubo nulis pake baso Jambi. Bukan sok-sok padek, cuma pengen bae....hehhe...., Ngapo sayo pake baso Jambi? ini sayo dapat idenyo dari seringnyo ngecek kato kunci yang ado di Dasbor blog sayo, jugo dari tulisan sayo UNIKNYA BAHASA DAERAHKU banyak nian nampaknyo yang pengen tau kek mano nian baso Jambi tu.

Sebenarnyo baso jambi tu samo be dengan baso Indonesia, Cuma bedanyo dilogat samo huruf O be yang selalu nempel di tiap akhir kato, walau ado beberapo kato jugo yang mungkin dak masuk dalam kamus bahasa Indonesia. Baso Jambi ko beda-beda tipis la samo bahaso Palembang tapi tetap adola perbedaannyo. 

Baso Jambi aslinyo nian biso kito dengar di daerah seberang kota Jambi tepatnyo ado di Kabupaten Muaro Jambi samo di Kabupaten Batanghari, tapi jangan heran be kalu disano agak-agak susah nyebut huruf R nyo dan agak aneh didengar ketelingo. Kalu di Kota Jambi nyo nian nampaknyo lah terkontaminasi samo bahaso Indonesia yang dibawak samo orang-orang luar yang datang ke Jambi, jadi lah dak asli lagi. Samo kayak daerah-daerah lain, Jambi jugo banyak orang perantau nyo, itulah sebabnyo orang-orang Jambi kini ko lah padek-padek galo nan bebaso Indonesia. hehee….

Kalu nak ke Jambi bolehla jalan-jalan keliling kota, tanyo be tempat nan ketuju pasti nyampe, budak Jambi kan ramah-ramah, hehhe…… Nak ke Jembatan Batanghari 1 atau Batanghari 2? amaan……..agek diantar. Nak duduk santai di ancol nyo Jambi sambil makan jagung bakar, payoo…. ketepi Sungai Batanghari, dari sano biso nengok Jam Gadang nyo Jambi jugo, letak sebenarnyo ado diseberang kota tapi kito biso nengok indahnyo kelap kelip lampu seberang  kota dari sano, Asyik kan…. 

Cerito tentang Jambi sebenarnyo banyak, dan dak abes-abes kalu nak dibagikan tapi kagek la sayo ceritokan lengkap nyo, apolagi ko tentang bahaso yang dipake di Jambi, nampak nyo banyak nian yang KEPO kato budak jaman kini ko. 

Sedikit sayo bagikan kato-kato dalam baso Jambi beserto artinyo, kalu salah mohon dimaafkan….hehee….

IKO = ini , KO = ni

BEBASO = Berbahasa

Ngapo = Kenapa

Katik / katek = Ada , Dak Katek = tidak ada

Padek = Pandai / Pintar

Galo = Semua

Kagek = Nanti

Payo = Ayo

Kek mano = bagaimana / gimana

Be / Bae = Saja / aja

Dewek = sendiri

Kanti = kawan / teman

tugu selamat datang

Dah segitu be dulu yo….yang lain-lainnyo samo be la artinyo kayak baso Indonesia, tinggal ganti be O nyo jadi A, hehhee….., sebenarnyo masih banyak nian kato-kato dalam baso Jambi yang bagi orang luar Jambi agak-agak susah ngertiin nyo, tapi kalo sering-sering dengar gek tau dewek la…..(Yaeyalah….. hehee….)

Nak Belajar bebaso Jambi??? Payoooo…..ke Jambi….:)

Bahasa Jambi - Kota Jambi - Jambi